說到放題，旺角兆萬中心有好幾間，
尤記得早幾年試過覺得不好吃之後，好久也沒有去了。
早陣子相約姊妹們聚聚睇戲，但要九點多才有場次，
所以唯有找個放題吃，在Openrice搜尋發現原來兆萬中心的食肆變了很多！
最後到膽粗粗Book咗《八幡屋》試試，結果喜出望外❤
嘻，食放題最緊要先食刺身來測試好唔好。
之前說這裡畀到驚喜我，是因為刺身好新鮮。
蝦跟象拔蚌好彈牙！魚類鮮甜，尤魚亦好鮮美。
所以之後我們再加了$50大元的升級體驗！
包括生蠔、赤蝦以及珍寶帶子等等❤
哈哈！沒有後悔啊，因為赤蝦好大隻，啖啖肉又鮮又甜。
珍寶帶子大大粒又好鮮，沒有雪味好重要～
油甘魚刺身肉質好綿滑，入口即溶。
不過最愛生蠔！！！
這裡已預先去殼，大大粒好盞鬼，有埋檸檬汁，吃下去好鮮又滑，所以好快「吞」曬❤
接下來十分驚喜，原來四人預先Booking會送一款「五行壽司」
每款都有不同的味道！
黑芝麻好濃香，有炒過的，上面的海膽亦好甜。
再來芒果蝦，估唔蝦跟芒果好夾，非常醒胃。
壽司體積不算太大，所以不怕會吃飽了吃不下其他東西！
我最喜歡的花之戀果然不會失望，三文魚甜美蟹子爽口。
特別推介「火灸胡麻三文魚壽司」，三文魚燒至半熟，吃下去充滿了香烤味，卻又帶著麻醬，非常惹味❤
「吉列芝士蝦卷」由濃郁的芝士舖在上面，咬下去脆卜卜的好正！
「海膽軍艦」雖然賣相爭一點，但估唔到新鮮又甜呢。
「龍蝦沙律軍艦」亦是好味之選，很有嚼勁的龍蝦配上醒胃千島醬，是我好喜歡的組合！
最後不得不推介「火灸柚子和牛壽司」！！
牛肉燒後十分惹味，肉味好濃好香，加上酸咪咪的柚子醬，簡直是一流！（最後我地都叫多轉來吃呢 XDDDD）
手卷方面選了炸軟殼蟹，中間夾了青瓜及加入了適量的沙律醬。
軟殼蟹炸得香脆，夾了青瓜後減低了它的油膩感，整體十分清新，令我十分滿足！
前菜方面我們叫了「胡麻蕃茄沙律」，菜跟蕃茄新鮮。同時加入了紅蔥及木魚，感覺非常特別。
佐酒小食的「地獄汁煮螺」，太辣了我接受不到，但好姊妹則大叫好吃！不過它肉質又真是爽嫩呢。
「韓風牛舌」則是另類的選擇，中韓合
請先 登入 以發表留言。